வறுமை

 

முக்காலம் போற்றும் முத்தமிழே

முக்கடல் மோதும் முழுமுகமே

முச்சந்தியில் நிற்கும்

தென்குமரித் தாயே

எந்தன் தமிழ்த் தாயே, வணக்கம்.

 

வறுமையிது கொடுமையடா

வாய்க்கரிசி இல்லையடா

கொடுமையிது உண்மையடா

கொண்டாட்டங்கள் ஏதுக்கடா

 

வறுமை

இந்த நாட்டின் உரிமை

கொடுமை அதிகரிக்கும் போது.

 

வறுமை

எனும் வழக்குகள் யாவும்

பிளாட்பார

நீதிமன்றங்களில் தான்

தாக்கல் செய்யப்படுகின்றன.

 

தாக்கல் செய்யப்பட்ட

வழக்குகளோ

பிளாட்பார

சுவரொட்டிகளால்தான்

தீர்க்கப்படுகின்றன.

 

மனிதனின்

நரம்புகளேன்

வரப்பைக் காட்டுகின்றன

வரப்பை மறைத்த

பயிர்களெல்லாம்

வதங்கிவிட்டதாலா?

 

வறுமை பழக்கமான போது

பழக்கங்கள்

புழகத்தை நாடுகின்றன.

 

அட்சய ரேகைகளையும்

கை ரேகைகளையும்

கண்ட நான்

வறுமை ரேகையைத் தானே

தினமும் தேடுகிறேன்.

 

வணக்கங்கள்

பெருகும்போது – வறுமை

குறையுமென்று

வாக்களிக்கின்றோம்

 

வாக்களித்த மறுநாளே

வணக்கங்கள்

கேள்விக் குறியாகின்றன.

 

சிலர்,

நிர்வாணமாக்கப்படும்போது தான்

வறுமையது

சேலை கட்டிக் கொள்கின்றது.

 

கால் செருப்போ

விடுதலை கேக்குது

கடைச் செருப்போ

அடைக்கலம் கேக்குது

என்மனம்

இரண்டுக்கும் நடுவே

மனப்போர் நடத்துது

இடையே நிற்பதோர்

வறுமைக் கோடன்றோ?

 

வறுமை

வளரும் குழந்தையன்றோ

பிறப்பு முதல் இறப்பு வரை

தொடர்ந்து வருவதோ

வறுமை தானே

 

தாய்ப்பாலை

இழந்த குழந்தையின்

நாக்குக்கு வறுமை

 

காதலி பிரிந்ததாலே

அவன், வாழ்க்கைக்கே

வந்தது வறுமை

 

பிள்ளைப்பேறு

இல்லாத பெற்றோர்

நெஞ்சில்

வளர்வதும் வறுமை.

 

(வேறு)

அச்சமில்லை அச்சமில்லை

அச்சமென்ப தில்லையே

வறுமைப் போருக்கு

அச்சமென்ப தில்லையே

 

அச்சமில்லை அச்சமில்லை

அச்சமென்ப தில்லையே

காதலுக்கும் ஊடலுக்கும்

அச்சமென்ப தில்லையே

 

பந்தமில்லை பந்தமில்லை

பந்தமென்ப தில்லையே

பற்றற்ற நாட்டிலே

பந்தமென்ப தில்லையே

 

சொந்தமில்லை சொந்தமில்லை

சொந்தமென்ப தில்லையே

தனியொரு மனிதனுக்குச்

சொந்தமென்ப தில்லையே

 

மிச்சமில்லை மிச்சமில்லை

மிச்சமென்ப தில்லையே

மீசையில்பட்ட கூழுகூட

மிச்சமென்ப தில்லையே

 

எச்சமில்லை எச்சமில்லை

எச்சமென்ப தில்லையே

எடுத்துவைச்ச அஞ்சுபைசா

எச்சமென்ப தில்லையே

 

பஞ்சமில்லை பஞ்சமில்லை

பஞ்சமென்ப தில்லையே

வளரும் வறுமைக்குப்

பஞ்சமென்ப தில்லையே

 

வறுமையில்லை வறுமையில்லை

வறுமையென்ப தில்லையே

வறண்டுவிட்ட நாக்குக்கு

வறுமையென்ப தில்லையே.

Comments

Post a Comment

Popular posts from this blog

மரமே உனக்கு உல்லாசம்

பகலோனின் வெப்பம் தாங்காமல் நாங்கள் விடும் மூச்சிலே காற்று வாங்கவா உன்னாடையை அவிழ்க்கின்றாய்.   அவிழ்த்துப் போட்ட ஆடைகளுக்கு அடுப்புகள் இங்கே அபயம் கொடுக்கின்றன.   உல்லாசக் காற்றிலே கடன் வாங்குவதற்கென்றே நாங்கள் வருகின்றோம்.   எங்களுக்காக, கொடுத்தே சிவந்த கரமென்பதால் உன் தலையையேன் மொட்டையடித்துக் கொள்கின்றாய்.   எங்கள் நாட்டு இளையவர்களுக்குப் பஞ்சு மெத்தையானதே – உன் உதிர்ந்த இலைகள்.   அதனால்தான் காதல் ஓவியம் படைக்க பாவம் உன் காலடியில் அமர்கின்றனர்.   அஜந்தா ஓவியம் படைத்த கலைச் சித்தனும் உனக்குச் சொந்தமானவனோ?   சிறைச்சாலை கைதிக்கு முத்திரையிடுவது போல் தங்கள் ஞாபகத்திற்காக உன் முதுகையே பலகையாக்கிக் கொள்கின்றார்களோ?   காற்றிலாடும் உன் கை விரல்களில் இருந்துதான் நடனங்கள் பிறந்தனவோ?   சலசலப்பு ஓசையிலிருந்துதான் குயில்களும் கூவுவதற்குக் கற்றுக் கொண்டனவோ?   பெருங்காற்றால் நீ அவதிப்படும் போதுதான் துன்பமே அறிமுகமானதோ   உன்னை வேரெடுக்கும் போதுதான் ...
Read more

நிலா

  குவளையிலும் குளத்திலும் கிணற்றிலும் ஆற்றிலும் பசும்புல் வெளியிலும் விசும்பிலும் வானிலும் எங்கும் எங்கும் அவளைக் கண்டேன். உலகெலாம் பிணைக்கும் கடற்கரையில், கடல்நீரில் அவளைத் தேடினேன் எங்கும் தவழும் அவளை அலைக் கரங்கள் பந்து விளையாடிக் கொண்டிருந்தன.
Read more