உயர்த்திவிட்டாயோ?

 

இன்று என்நிலா

வானில் வந்தது

இரவு வேளையில்

முழித்துக் கொண்டது.

 

பட்டு மேனிபோல்

பட்டமானது – என்

நினைவலைதான்

கயிறு கோத்தது.

 

வறுமை எழுத்தைத்தான்

எழுதி வைத்தேனே

உயரப் பறந்துவே – நீ

உயர்ந்து விட்டாயோ?

 

தட்டு போலத்தான்

சுத்திப் போகிறே

கட்டு போலதான்

காத்து நிக்குறே.

 

கிட்ட வந்தாயோ

செத்துப் போயிடுவே

உயரப் பறந்தாயோ

உயிரோடிருப்பாயே.

 

கொடுமை நாட்டிலே

கொஞ்சுகின்றது

வறுமை வீட்டிலே

தொட்டிலாட்டுது

 

உறவு எங்கிலும்

பரந்து கிடக்குது.

உரிமை கேட்கும்போது

பிரிந்து போகுது.

 

உரிமை கேட்டுத்தான்

பிரிந்து போனாயோ?

வறுமை ஏட்டையும்

உயர்த்தி விட்டாயோ?

Comments

Post a Comment

Popular posts from this blog

மரமே உனக்கு உல்லாசம்

பகலோனின் வெப்பம் தாங்காமல் நாங்கள் விடும் மூச்சிலே காற்று வாங்கவா உன்னாடையை அவிழ்க்கின்றாய்.   அவிழ்த்துப் போட்ட ஆடைகளுக்கு அடுப்புகள் இங்கே அபயம் கொடுக்கின்றன.   உல்லாசக் காற்றிலே கடன் வாங்குவதற்கென்றே நாங்கள் வருகின்றோம்.   எங்களுக்காக, கொடுத்தே சிவந்த கரமென்பதால் உன் தலையையேன் மொட்டையடித்துக் கொள்கின்றாய்.   எங்கள் நாட்டு இளையவர்களுக்குப் பஞ்சு மெத்தையானதே – உன் உதிர்ந்த இலைகள்.   அதனால்தான் காதல் ஓவியம் படைக்க பாவம் உன் காலடியில் அமர்கின்றனர்.   அஜந்தா ஓவியம் படைத்த கலைச் சித்தனும் உனக்குச் சொந்தமானவனோ?   சிறைச்சாலை கைதிக்கு முத்திரையிடுவது போல் தங்கள் ஞாபகத்திற்காக உன் முதுகையே பலகையாக்கிக் கொள்கின்றார்களோ?   காற்றிலாடும் உன் கை விரல்களில் இருந்துதான் நடனங்கள் பிறந்தனவோ?   சலசலப்பு ஓசையிலிருந்துதான் குயில்களும் கூவுவதற்குக் கற்றுக் கொண்டனவோ?   பெருங்காற்றால் நீ அவதிப்படும் போதுதான் துன்பமே அறிமுகமானதோ   உன்னை வேரெடுக்கும் போதுதான் ...
Read more

நிலா

  குவளையிலும் குளத்திலும் கிணற்றிலும் ஆற்றிலும் பசும்புல் வெளியிலும் விசும்பிலும் வானிலும் எங்கும் எங்கும் அவளைக் கண்டேன். உலகெலாம் பிணைக்கும் கடற்கரையில், கடல்நீரில் அவளைத் தேடினேன் எங்கும் தவழும் அவளை அலைக் கரங்கள் பந்து விளையாடிக் கொண்டிருந்தன.
Read more