கவிபாடும் உள்ளம்

 

பல பட்டங்கள்

வாங்கிடும் போது

வட்டங்கள்

வட்டமிடுகின்றன.

 

சட்டங்கள்

திருத்தப்படும் போது

சத்தங்கள்

எதிரொலிக்கின்றன.

 

சத்தங்கள்

நித்திரையாகும் போது

நிம்மதி

சலங்கையாடும்.

 

உண்மைகள்

தண்டிக்கப்படும்போது

குற்றங்கள்

அதிகரிக்கின்றன.

 

துயரங்கள்

குறையும்போது

உயரங்கள்

தலைதூக்குகின்றன.

 

திருடுகள்

அதிகரிக்கும்போது

சோம்பேறிகள்

உற்பத்தியாகின்றனர்.

 

இராகங்கள்

சந்திக்கும் போது

மேகங்கள்

மயங்குகின்றன.

 

மேகங்கள்

கைகுலுக்கும்போது

தாகங்கள்

தீர்க்கப்படுகின்றன.

 

வயல்கள்

செழிக்கும்போது

வயிறுகள்

வாழ்கின்றன.

 

குயில்கள்

கூவும்போது

தென்றலும்

கை தட்டுகின்றன.

 

உற்பத்தி

அதிகரிக்கும்போது

ஊதியம்

உயர்கின்றது.

 

வியாதிகள்

பெருகும்போது

நலன்கள்

விடைபெறுகின்றன.

 

தென்றலை

அனுபவிக்கும்போது

தேன்தமிழ்

ஊற்றெடுக்கின்றன.

 

அலைகடல்

மோதும்போது

உணர்ச்சிகள்

பரிணமிக்கின்றன.

 

கண்கள்

சந்திக்கும்போது

காதல் மொழிகள்

சிறகடிக்கின்றன.

 

தமிழ்ப்பால்

குடிக்கும்போது

தமிழ் - மனம்

வீசுகின்றது.

 

நாடிகள்

சந்திக்கும்போது

நாமொருவர்

என்றாகின்றோம்.

 

தோழமை

வலுப்பதனால்

தோள்கள்

உர மூட்டப்படுகின்றன.

 

ஆனால்,

 

கவி எழுதும்

ஒருவனுக்குக்

கால் வலி

தீர்ந்தபாடில்லை.

 

கால் வயிறு

நிறைவதற்கே

வழியில்லை

நாட்டினிலே.

 

கவி பாடும் உள்ளம்

காவியமே எழுதும்

பாவிகளைச்

சிருஷ்டிக்காது.

Comments

Post a Comment

Popular posts from this blog

மரமே உனக்கு உல்லாசம்

பகலோனின் வெப்பம் தாங்காமல் நாங்கள் விடும் மூச்சிலே காற்று வாங்கவா உன்னாடையை அவிழ்க்கின்றாய்.   அவிழ்த்துப் போட்ட ஆடைகளுக்கு அடுப்புகள் இங்கே அபயம் கொடுக்கின்றன.   உல்லாசக் காற்றிலே கடன் வாங்குவதற்கென்றே நாங்கள் வருகின்றோம்.   எங்களுக்காக, கொடுத்தே சிவந்த கரமென்பதால் உன் தலையையேன் மொட்டையடித்துக் கொள்கின்றாய்.   எங்கள் நாட்டு இளையவர்களுக்குப் பஞ்சு மெத்தையானதே – உன் உதிர்ந்த இலைகள்.   அதனால்தான் காதல் ஓவியம் படைக்க பாவம் உன் காலடியில் அமர்கின்றனர்.   அஜந்தா ஓவியம் படைத்த கலைச் சித்தனும் உனக்குச் சொந்தமானவனோ?   சிறைச்சாலை கைதிக்கு முத்திரையிடுவது போல் தங்கள் ஞாபகத்திற்காக உன் முதுகையே பலகையாக்கிக் கொள்கின்றார்களோ?   காற்றிலாடும் உன் கை விரல்களில் இருந்துதான் நடனங்கள் பிறந்தனவோ?   சலசலப்பு ஓசையிலிருந்துதான் குயில்களும் கூவுவதற்குக் கற்றுக் கொண்டனவோ?   பெருங்காற்றால் நீ அவதிப்படும் போதுதான் துன்பமே அறிமுகமானதோ   உன்னை வேரெடுக்கும் போதுதான் ...
Read more

நிலா

  குவளையிலும் குளத்திலும் கிணற்றிலும் ஆற்றிலும் பசும்புல் வெளியிலும் விசும்பிலும் வானிலும் எங்கும் எங்கும் அவளைக் கண்டேன். உலகெலாம் பிணைக்கும் கடற்கரையில், கடல்நீரில் அவளைத் தேடினேன் எங்கும் தவழும் அவளை அலைக் கரங்கள் பந்து விளையாடிக் கொண்டிருந்தன.
Read more