ஏராளம்

 என் இதயம் கொண்ட

          இதயக் கனிகள்

          நாட்டில் ஏராளம் – இந்த

நாட்டில் ஏராளம்.

உன் உதயம் கண்டே

          துடிக்கும் இமைகள்

          பாரில் ஏராளம் – இந்தப்

          பாரில் ஏராளம்.

உன் வருகை கண்டே

          ஆடும் தென்றல்

          வாழ்வில் கும்மாளம் – அதன்

          வாழ்வில் கும்மாளம்.

உன் சிரிப்பைக் கண்டே

          முத்தைத் தேடும்

          கூட்டம் ஏராளம் – இங்குக்

          கூட்டம் ஏராளம்.

உன் இடையைக் கண்டே

          தென்றலை அழைக்கும்

          தேவர்கள் ஏராளம்.

உன் நடையைக் கண்டே

          அன்னம் மறந்த

          நடைகள் ஏராளம்.

உன் கூந்தலைக் கண்டே

          ஓடிய கரு மேகங்கள்

வானில் ஏராளம்  - அந்த

வானில் ஏராளம்.

உன் மூக்கைக் கண்டே

          கிளிக்கும் பொறாமை

         வந்தது ஏராளம்.

உன் விழியைக் கண்டே

           மறைந்த நிலவுக்கு

           மகிழ்ச்சி ஏராளம்.

உன் நெற்றியைக் கண்ட

            நேபாளத்திற்கு

            நேசங்கள் ஏராளம்.

உன் பாதம் கண்ட

           தேவதைக்கு

           பாதிப்பு ஏராளம்.

உன் காலைக் கண்ட

          வாழைக்கு

          வாழ்வு ஏராளம்.

உன் அழகைக் கண்ட

          அழகன் தோற்ற

           போட்டிகள் ஏராளம்.

உன் வாக்கு கேட்டே

           வாடிய மனங்கள்

           ஏராளம், ஏராளம்.

உன் வம்சம் கண்டே

           ஓடிய மனங்கள்

          அதிலும் ஏராளம்

உன் அன்பைக் கேட்டே

          துடிக்கும் இவன்

          ஆசை ஏராளம்.

உன் கையைத் தொட

           எனக்கு மட்டும்

           தடைகள் ஏராளம்.

Comments

Post a Comment

Popular posts from this blog

மரமே உனக்கு உல்லாசம்

பகலோனின் வெப்பம் தாங்காமல் நாங்கள் விடும் மூச்சிலே காற்று வாங்கவா உன்னாடையை அவிழ்க்கின்றாய்.   அவிழ்த்துப் போட்ட ஆடைகளுக்கு அடுப்புகள் இங்கே அபயம் கொடுக்கின்றன.   உல்லாசக் காற்றிலே கடன் வாங்குவதற்கென்றே நாங்கள் வருகின்றோம்.   எங்களுக்காக, கொடுத்தே சிவந்த கரமென்பதால் உன் தலையையேன் மொட்டையடித்துக் கொள்கின்றாய்.   எங்கள் நாட்டு இளையவர்களுக்குப் பஞ்சு மெத்தையானதே – உன் உதிர்ந்த இலைகள்.   அதனால்தான் காதல் ஓவியம் படைக்க பாவம் உன் காலடியில் அமர்கின்றனர்.   அஜந்தா ஓவியம் படைத்த கலைச் சித்தனும் உனக்குச் சொந்தமானவனோ?   சிறைச்சாலை கைதிக்கு முத்திரையிடுவது போல் தங்கள் ஞாபகத்திற்காக உன் முதுகையே பலகையாக்கிக் கொள்கின்றார்களோ?   காற்றிலாடும் உன் கை விரல்களில் இருந்துதான் நடனங்கள் பிறந்தனவோ?   சலசலப்பு ஓசையிலிருந்துதான் குயில்களும் கூவுவதற்குக் கற்றுக் கொண்டனவோ?   பெருங்காற்றால் நீ அவதிப்படும் போதுதான் துன்பமே அறிமுகமானதோ   உன்னை வேரெடுக்கும் போதுதான் ...
Read more

நிலா

  குவளையிலும் குளத்திலும் கிணற்றிலும் ஆற்றிலும் பசும்புல் வெளியிலும் விசும்பிலும் வானிலும் எங்கும் எங்கும் அவளைக் கண்டேன். உலகெலாம் பிணைக்கும் கடற்கரையில், கடல்நீரில் அவளைத் தேடினேன் எங்கும் தவழும் அவளை அலைக் கரங்கள் பந்து விளையாடிக் கொண்டிருந்தன.
Read more