கலங்கரை விளக்கு

 வானம் கருகி

கருங்கடலான போதும்

நீ மட்டும் ஏன்

அசையாமல் நிற்கின்றாய்?

 

கலம் கலங்கி

நின்ற போதும்

நீ மட்டும் ஏன்

கலையாமல் நிற்கின்றாய்?

 

வானை மடித்து

ஊது புனலாக்கி

ஊதினாலும்

கேட்காதோ எங்கள்

புலம்பல்கள்…

 

நீ

செவிடாய்

இருப்பதால்தான்

நீல வண்ண லீலைகள்

வட்டமிடுகின்றனவோ…

         

கண்ணிருந்தும் ஏன்

கவனிக்க

மறுக்கின்றாய்?

 

முனிவர் என்ற

நினைப்பா?

உன் மனதில்…

 

உச்சி மீது

இடி விழுந்த போழ்தும்

உபாதை இல்லையென்று

உறுதியுடன் நிற்கின்றாயோ?

 

உதவிக்கு நானென்று

உபாதைகளிலிருந்து

விலகியே…

வாழ்கின்றாய் நீ

 

மௌனம்

எதற்கும் நல்லதென்று

சத்தியாக்கிரகம்

செய்கின்றாயோ?

காற்றடித்தால்

உதிர்ந்துவிடும்

தனிமரக் கிளைகள்…

எங்களின்

மனங்களைப்போல…

பேய்க்காற்றடித்த போதும்

தனியாய் நிற்கும்

அந்தத்,

துணிவையாவது

எங்களுக்குச்

சொல்லமாட்டாயோ?

Comments

Post a Comment

Popular posts from this blog

மரமே உனக்கு உல்லாசம்

பகலோனின் வெப்பம் தாங்காமல் நாங்கள் விடும் மூச்சிலே காற்று வாங்கவா உன்னாடையை அவிழ்க்கின்றாய்.   அவிழ்த்துப் போட்ட ஆடைகளுக்கு அடுப்புகள் இங்கே அபயம் கொடுக்கின்றன.   உல்லாசக் காற்றிலே கடன் வாங்குவதற்கென்றே நாங்கள் வருகின்றோம்.   எங்களுக்காக, கொடுத்தே சிவந்த கரமென்பதால் உன் தலையையேன் மொட்டையடித்துக் கொள்கின்றாய்.   எங்கள் நாட்டு இளையவர்களுக்குப் பஞ்சு மெத்தையானதே – உன் உதிர்ந்த இலைகள்.   அதனால்தான் காதல் ஓவியம் படைக்க பாவம் உன் காலடியில் அமர்கின்றனர்.   அஜந்தா ஓவியம் படைத்த கலைச் சித்தனும் உனக்குச் சொந்தமானவனோ?   சிறைச்சாலை கைதிக்கு முத்திரையிடுவது போல் தங்கள் ஞாபகத்திற்காக உன் முதுகையே பலகையாக்கிக் கொள்கின்றார்களோ?   காற்றிலாடும் உன் கை விரல்களில் இருந்துதான் நடனங்கள் பிறந்தனவோ?   சலசலப்பு ஓசையிலிருந்துதான் குயில்களும் கூவுவதற்குக் கற்றுக் கொண்டனவோ?   பெருங்காற்றால் நீ அவதிப்படும் போதுதான் துன்பமே அறிமுகமானதோ   உன்னை வேரெடுக்கும் போதுதான் ...
Read more

நிலா

  குவளையிலும் குளத்திலும் கிணற்றிலும் ஆற்றிலும் பசும்புல் வெளியிலும் விசும்பிலும் வானிலும் எங்கும் எங்கும் அவளைக் கண்டேன். உலகெலாம் பிணைக்கும் கடற்கரையில், கடல்நீரில் அவளைத் தேடினேன் எங்கும் தவழும் அவளை அலைக் கரங்கள் பந்து விளையாடிக் கொண்டிருந்தன.
Read more