தலைகீழ் தொடக்கம்

பாருக்குள்ளே நல்ல நாடு – அதை

நினைத்தே வந்தது வீடு

வீட்டுக்குள்ளே ஒரு கூடு – அதைக்

கூட்டிவிட்டவரைப் பாரு.

 

வானத்திலே ஒரு நிலவு – அந்த

நிலவுக்குள்ளே ஒரு வீடு

வீட்டுக்குள்ளே இருளு – அதன்

ஒளியினை இங்கே பாரு.

 

கானத்திலே ஒரு சோகம் – அந்தச்

சோகத்திலே ஒரு வீரம்

வீரத்திலே ஒரு சாரம் – அது

போனபின்தான் விவகாரம்.

 

மலரினிலே ஒரு புதுமை – அந்தப்

புதுமையிலே ஒரு இளமை

இளமையிலே ஒரு நிலைமை – அந்த

நிலைமை தானே வறுமை.

 

தென்றலிலே நலினம் – அந்த

நலினத்தில் வந்தது நடனம்

நடனம் நடப்பது இங்கே – அதைப்

பார்ப்பவர்களெல்லாம் அவரே.

 

கனவில் தெரிந்தது சொர்க்கம்

சொர்க்கத்தில் தெரிவது மாடி

மாடியில் வாழ்வதாய் எண்ணி

தன்னில் ஆசைபல எண்ணி

எண்ணி இருந்தாலந்தக் கன்னி

அது, எல்லாம் கனவென்று எண்ணி

எண்ணி எண்ணி ஏங்கி

மண்ணில் இருந்தாள் தன்னில்.